Presidenti i Ukrainës, Volodymyr Zelensky, nuk duhet të jetë nën presion nga fuqitë botërore për të pranuar një marrëveshje të keqe paqeje me presidentin rus, Vladimir Putin, ka thënë kryeministri i Mbretërisë së Bashkuar, Boris Johnson.
Duke folur të martën në një takim me ministrat e kabinetit, një ditë pasi i mbijetoi një votëbesimi në udhëheqjen e tij, Johnson tha se marrëveshjet e këqija të paqes nuk zgjasin, shkruan BBC-ja të martën.
“Ai tha se bota duhet të shmangë çdo rezultat ku agresioni i pajustifikuar i Putinit duket se ka dhënë rezultat”, ka thënë zëdhënësi i Johnsonit.
Sekretarja e jashtme, Liz Truss, tha gjithashtu në mbledhjen e kabinetit se Londra po përgatit sanksione të mëtejshme kundër Rusisë për pushtimin e saj në Ukrainë, shtoi zëdhënësi.
Qeveria e Ukrainës tha më parë se nuk do të binte dakord për një marrëveshje armëpushimi me Rusinë që marrjen e territorit.
