Lajmi se Jori Delli ka nisur një histori dashurie me reperin e njohur italian Fred de Palma, qarkullon prej disa ditësh në mediat shqiptare, por edhe ato italiane.
Fotot misterioze që De Palma ka postuar gjatë këtyre ditëve në llogarinë e tij “janë hetuar” nga mediat e të dy vendeve derisa u kuptua se të gjitha detajet të çonin te Jori.
Ditën e sotme ish-banorja e “Big Brother 2”, duket se e ka konfirmuar lajmin për këtë romancë të re. Në llogarinë e saj në Instagram, modelja shqiptare ka postuar një video nga një koncert i Fred de Palma-s. Duke kënduar mes të tjerash, De Palma dëgjohet të thotë “e dashura ime është shqiptare”.
Pa thënë asgjë më shumë, por një emoji duke qeshur, flamuri shqiptar dhe një zemër e kuqe janë detaje që mjaftojnë për të konfirmuar atë që po ndodh mes Jorit dhe këngëtarit italian.
