Presidenti në ikje i Komisionit Evropian, Jean-Claude Juncker u kërkoi eurodeputetëve që të kujdesen për Evropën gjatë një diskutimi mbi bilancin e mandatit të tij, disa javë para largimit nga detyra.
Kreu i ekzekutivit evropian, i cili do të tërhiqet nga politika me largimin nga Komisioni, ishte i ftuar të paraqiste bilancin e një mandati 5-vjeçar të karakterizuar nga kriza, kursime në rënie, borxhi grek, çështjet migratore.
“Kujdesuni për Evropën dhe luftoni me tërë forcat tuaja nacionalizmat idiote dhe mendjengushta. Rroftë Evropa!”, tha ai në përfundim të fjalimit të tij në Strasburg.
