Kryeministri Edi Rama ka zhvilluar një takim me ish- ambasadoren amerikane, Juri Kim( Yuri Kim) në Nju Jork.
Ka qenë Ambasadorja Kim, ajo që ka ndarë një fotografi me kreun e qeverisë shqiptare në rrjetin social X ndërsa bën me dije se në takim u diskutuan mënyrat për të forcuar marrëdhëniet SHBA-Shqipëri.
“E lumtur të shihja kryeministrin Edi Rama në UNGA78 , ku ai kryesoi debatin e Këshillit të Sigurimit mbi pushtimin e Rusisë në Ukrainë. Ne patëm gjithashtu mundësinë të diskutonim mënyrat për të forcuar marrëdhëniet SHBA-Shqipëri, mbështetjen e SHBA-së për rrugën e anëtarësimit të Shqipërisë në BE dhe bashkëpunimin tonë në NATO dhe në Këshillin e Sigurimit të OKB-së.”, shkruan Yuri Kim.
