Kalifornia është duke menduar të ndalojë shitjen e makinave që përdorin vetëm karburant brenda vitit 2035, duke hedhur në këtë mënyrë një hap të rëndësishëm në përballjen e sfidës të ndryshimeve klimaterike.
Rregullat e reja kanë si synim të detyrojnë prodhuesit e makinave që të përshpejtojnë futjen në treg të makinave të reja më miqësore me ambientin.
Kjo lëvizje është shumë e rëndësishme për Kaliforninë, që është shteti me popullsinë më të madhe në SHBA dhe një ndër ekonomitë më të mëdha në botë.
Nën këto rregulla të nxjerra nga Bordi i Burimeve Ajrore të Kalifornisë, 35% e makinave të reja që do të shiten në shtet duhet të jeni elektrike, hibride apo me hidrogjen brenda vitit 2026. Më pas, kjo sasi do të rritet me 68%, brenda 2030 dhe 100% në 2035.
Kreu i Bordit, Laine Randolph e konsideroi këtë vendim si një moment historik për Kaliforninë, shtete që e rrethojnë dhe madje për mbarë botën në synimin për zero ndotje në të ardhmen.
