Këto janë pamjet që vijnë nga gadishulli i Karaburunit ditën e sotme, ku prej më shumë se 1 javë zona po digjet nga flakët.
Ashtu sikurse mund të shihet edhe nga pamjet, zjarri nuk ka kursye asgjë në rrugën duke djegur hektarë të tërë shkurre e bimë.
Ndërkohë, edhe pse me vonesë, në shërbim për fikjen e zjarrit është vënë një helikopter i Forcave të Armatosura.
Ndërkohë, në një dalje ditën e sotme Peleshi e ka konsideruar një operacion të realizuar me sukses shuarjen e zjarreve, pasi sipas tij, nuk ka pasur humbje jete, ndryshe nga vendet fqinje.
Peleshi bëri me dije se helikopteri ka hedhur ditën e sotme mbi 300 mijë litra ujë për të neutralizuar vatrat e ndryshme të zjarrit në Karaburun, por për shkak të temperaturave të larta, relievit të vështirë dhe era e bëjnë akoma më kompleks operacionin e shuarjes së zjarri.
