Ministria për Europën dhe Punët e Jashtme e Shqipërisë, njofton se duke filluar nga mbrëmja e sotme, ora 22:00, pikat e kalimit të kufirit Kakavijë dhe Kapshticë nga pala greke do të jenë të mbyllura për udhëtarët dhe automjetet si në hyrje, edhe në dalje të Greqisë gjatë fashës së orarit 22:00-06:00.
Sipas Ministrisë për Europën dhe Punët e Jashtme, pikat e kalimit do të jenë të hapura për qytetarët dhe automjetet çdo ditë nga ora 06:00 deri në 22:00.
Ministria fton qytetarët dhe drejtuesit e automjeteve që të shmangin lëvizjet dhe udhëtimet gjatë orarit kur pikat e kalimit janë të mbyllura pasi mjetet dhe udhëtarët nuk do të lejohen nga Policia Kufitare që të parkojnë apo qëndrojnë në territorin doganor e kufitar.
Ministria kujton se duke filluar nga data 16 gusht 2020, shtetasit që hyjnë në Greqi nëpërmjet pikës së kalimit të kufirit Kakavijë dhe Kapshticë, do të karatinohen për 7 ditë. Kujtojmë që lejohet hyrja në Greqi vetëm për shtetasit grekë, shtetasit shqiptarë e të huaj me leje qëndrimi greke dhe minoritarë me kartën përkatëse. Ndërsa shtetasit e të BE-së apo me leje qëndrimi në vendet e BE-së dhe vendet e treta nuk lejohet të hyjnë në Greqi nëpërmjet pikës së kalimit kufitar Kakavijë dhe Kapshticë.
