Reprezentuesi i Kosovës, Lirim Kastrati ka kontribuar me gol dhe asistim në fitoren 3:1 të Dinamo Zagrebit kundër CSKA Moskës, të enjten mbrëma në xhiron e fundit të fazës grupore të Ligës së Evropës.
“Shpërblimin” për paraqitjen e mirë e mori menjëherë të premten. Ai është përfshirë në ekipin më të mirë të xhiros në Ligën e Evropës. Përzgjedhjen e ka bërë faqja zyrtare e UEFA-s.
Prej lojtarëve të Dinamos, vend në përbërjen më të mirë të xhiros ka zënë edhe Joshko Gvardiol.
Kastrati po e luan edicionin e parë me Dinamon dhe po paraqitet me sukses.
