Ditën e djeshme partitë politike kanë dorëzuar listat e kandidatëve për deputetë për zgjedhjet e përgjithshme të 25 Prillit.
Tirana është blinduar me figurat më të rëndësishme të partive kryesore duke e bërë sfidën e karrigeve në Kuvend më të vështirë. Vetë krerët e partive më parë kishin qartësuar se ku do të mbanin zonat e tyre elektorale, ndërkohë tashmë gjithçka është zyrtare.
Të ftuar mëngjesin e sotën në RTV ORa ishte në një lidhje me Skype iu bashkua dhe politikani, Kastriot Islami, i cili theksoi se kryeministri, Edi Rama sa i përket listave ka ndjekur një qasje tinëzare për të mashtruar votuesit ndryshe nga Basha i cili në listat që publikoi nuk ka patur supriza.
“Ne duhet t’i sqarojmë qytetarëve se çfarë ka pas këtyre listave. Të paktën ashtu si mendojmë ne, ndoshta dhe mund ta kemi gabim. Në listën e Ramës gjëja kryesore që duhet t’i themi votuesve është qasja. Çfarë qasje ka patur Rama? Janë dy qasje, është qasja e Ramës dhe qasja e Bashës. Qasja e z. Basha është një qasje klasike, pa supriza, standarte, një qasje që ndodh në të gjitha vendet e Europës, ndoshta jo perfekte si në vendet e Europës.
Unë do thoja për listën e Bashës një shprehje të famshme që ‘Çdo popull meriton qeverinë e tij’ dhe në këtë rast çdo parti meriton listën e saj. Ndërsa, për qasjen e Ramës për listën është një qasje tinëzare, hileqare, mashtruese. Këtë gjë duhet ta dinë ata persona që janë të lëkundur. Rama në një anë flet për suksesin në qeverisje, suksese të mëdha e cila në fakt për opozitën ka kushtuar në çdo aspekt këto tetë vite dhe askush nuk promovohet kontributeve në qeverisje.
Qeveria në 2017 ka patur disa ministra, u bë demostrimi i studentëve dhe t’i shikon sot vetëm ata që janë pjesë e sektrit, ndërsa të tjerët janë degdisur sa andej sa këtej. Ka një paradoks qasja e Ramës, ky është mashtrimi i tretë. Mashtrimi i parë ka luajtur me premtimet, mashtrimi i dytë tha fajin ma ka Ilir Meta, mashtrimi i kësaj here të tretë ai po luan me listën”- thotë Islami.
Prej ditësh Rama ka tërhequr vëmendjen e të gjithëve pas deklaratave të bëra për përfshirjen në lista të inxhinjeres Luljeta Bozo dhe shefes së Infektivit, Najada Çomo. Ashtu si u tha ndodhi dhe mbrëmjen e djeshme pamë se , Bozo kryeson listën e PS në Tiranë, e ndjekur fill nga Najada.
E gjithë kjo sipas Islamit është një strategji e ndjekur nga Kryeministri për të kamufluar veten.
“E gjithë kjo është bërë për të ruajtur figurën e Ramës dhe Rama e ka bërë qëllimisht vetë. Është një procees i minutës së fundit dhe kundër parimeve të karrierës dhe meritës. Ka prodhuar shumë shere në partinë Socialiste. Kemi parë që ka largime sherre të hapura dhe të fshehta. Në kuadrin e fasadës ka marrë personazhe që nuk kanë lidhje me politikën.
Dy personazhe të cilët nga pikpamja profesionale është vështirë të thuhen. Nëqoftëse dikujt tjetër Rama i thotë që ke 12 vite në Parti duhet të largohesh se mbaroi koha jote shkon merr një figurë qëllimisht të vjetër dhe e vendos, merr një mjeke dhe prap e vendos. Këto janë vendosur për të mashtruar elektoratin.
I duhet të përforcojë idenë që unë kam qenë i suksesshëm në qeverisje, në situatën e pandemisë ka marrë Najadën dhe në menaxhimin e tërmetit ka marrë Luljetën. Do ti mbushë mendjen njerëzve me tre emra që unë kam qenë i suksseshëm për të maskuar dështimet e tij në këto tre fusha. Në fushën e qeverisjes thotë unë jam Kryeministri, unë jam ai që i bëj të gjitha, jam mjeshtri”, shton ai.
