Një sulm me zjarrvënie ndaj katër ambulancave që i përkisnin një shërbimi ambulance të komunitetit hebre në Londrën veriore po trajtohet si një “krim urrejtjeje antisemit”, thotë Policia Metropolitane.
Katër ambulanca Hatzola u gjetën në flakë pasi Brigada e Zjarrfikësve të Londrës u thirr në Highfield Road në Golders Green rreth orës 01:40 GMT.
Brigada e zjarrfikësve tha se disa cilindra në automjete shpërthyen dhe shkaktuan thyerjen e dritareve në një bllok apartamentesh aty pranë.
Gjashtë automjete zjarrfikëse dhe rreth 40 zjarrfikës u dërguan për të vënë nën kontroll flakët.
Shtëpitë aty pranë u evakuuan si masë paraprake dhe rreth 30 persona janë dërguar në një strehë lokale.
Policia tha se nuk pati të lënduar dhe të gjitha zjarret janë shuar. Ata shtuan se deri më tani nuk ka pasur arrestime.
- Hatzola është një organizatë e madhe jofitimprurëse, vullnetare hebraike që u ofron njerëzve ndihmë mjekësore urgjente dhe transport falas për në spitale.
