Kuvendi i Republikës së Kosovës më 4 prill 2021, me 71 vota për zgjodhi presidente të vendit Vjosa Osmanin.
Presidentja Osmani u zgjodh pas raundit të tretë të votimit ku votuan 82 deputetë. 71 nga deputetët votuan për Osmanin, 11 vota rezultuan të pavlefshme, ndërsa për kundërkandidat kishte Nasuf Bejtën.
E sot, në katëvjetorin e mandatit të saj, presidentja Osmani ka publikuar një video me takimet e punën e saj.
“Çdo ditë, para se gjithash Kosova! Katër vjet në shërbim të qytetarëve. Katër vjet për Republikën! Katër vjet Presidente, betim i përjetshëm për Kosovën!”, shkruan ajo.
Në videon e publikuar në Facebook, Osmani ka paraqitur pjesëmarrjen e saj në Këshill të Sigurimit, takimet me liderët botërorë, si presidentin amerikan, Donald Trump, takimet me liderët e BE-së, me shefin e NATO-s, e takime tjera vendore.
