Gjatë një koncerti të mbajtur më 9 gusht 2025 në Philadelphia si pjesë e turneut të saj “Lifetimes Tour”, këngëtarja me famë botërore Katy Perry solli një moment humori që përfshiu edhe yllin shqiptar Dua Lipa.
Duke komunikuar me publikun dhe veçanërisht me fansat më të vegjël, ajo bëri një shaka vetë-ironizuese.
“Për ata që janë 8 vjeç e më poshtë… unë nuk jam Dua Lipa, jam tezja e Dua Lipës, Katy Perry”, u shpreh ajo.
Ky koment u prit me të qeshura nga audienca, ndërsa Perry e përdori si një mënyrë të këndshme për të theksuar dallimin e moshës dhe brezave mes saj dhe Lipës.
Me këtë moment, Katy tregoi edhe një herë sensin e saj të humorit dhe aftësinë për të krijuar një lidhje të ngrohtë me fansat gjatë performancave live.
Ylli i famshëm ndërkaq ka udhëtuar nëpër botë gjatë këtij turneu për katër muaj radhazi.
Ndalesa e saj në Philadelphia ishte qyteti i 33-të në turneun “Lifetimes”, me 39 të mbetura përpara se të përfundojë në Abu Dhabi në fund të vitit. /Telegrafi/
