Periudha e vlefshmërisë së Green Pass të BE-së kundër Covid-19 do të kufizohet në nëntë muaj, pas përfundimit të plotë të fazës së parë të vaksinimit, pa vaksinimin përforcues, njoftoi Komisioni Evropian.
Zëdhënësi i Komisionit Evropian, Christian Wigand tha se rregullat detyruese për kufirin e periudhës së vlefshmërisë zbatohen për udhëtimet brenda Bashkimit Evropian dhe ofrojnë “qartësi për qytetarët e BE-së për të ushtruar të drejtën e tyre për lëvizje të lirë”.
Green Pass digjital i BE-së për Covid-19 i lejon mbajtësit të udhëtojë në bllok nëse janë të vaksinuar, kuruar nga Covid-19 ose kanë rezultuar negativisht për virusin.
Leja e udhëtimit ishte e rëndësishme në kthimin e koordinuar të lirisë së lëvizjes në BE pas bllokadave të shkaktuara nga pandemia.
Në muajt e fundit, shtetet anëtare të BE-së e kanë shtyrë komisionin të lidhë statusin e vlefshmërisë së vaksinimit me lejen e udhëtimit për të përfshirë dozat e vaksinës përforcuese.
Leja e udhëtimit rrezikonte të humbiste dobinë e saj pasi vendet anëtare të BE-së filluan të prezantonin standarde të reja të dozës përforcuese për statusin e plotë të vaksinimit në mes të një vale të katërt të koronavirusit.
Një njoftim për shtyp nga dega ekzekutive e BE-së u tha se ”rregullat e reja për periudhën nëntëmujore të pranimit do të hyjnë në fuqi më 1 shkurt 2022”.
Sipas Komisionit, 807 milionë certifikata janë lëshuar në BE dhe 60 vende jashtë BE-së i janë bashkuar sistemit.