Komisioni Evropian ka miratuar planet e dyta të mbrojtjes kombëtare në kuadër të nismës SAFE (Veprimi i Sigurisë për Evropën), duke hapur rrugën për miliarda dollarë kredi për tetë shtete anëtare për të rritur urgjentisht gatishmërinë e tyre ushtarake.
Komisioni i ka paraqitur një propozim Këshillit të BE-së për të siguruar financim për 8 vende. Këto janë Estonia, Greqia, Italia, Letonia, Lituania, Polonia, Sllovakia dhe Finlanda. Polonia pritet të marrë më shumë nga të gjitha vendet pjesëmarrëse, afërsisht 44 miliardë euro.
Pasi të nënshkruhen marrëveshjet e kredisë, këto tetë vende do të kenë qasje në afërsisht 74 miliardë euro financim. Këto janë kredi afatgjata me interes të ulët, të destinuara për ndërtim strategjik ushtarak.
Këshilli i BE-së tani ka katër javë kohë për të miratuar zyrtarisht vendimin zbatues. Pasi marrëveshjet të finalizohen, pagesat e para për vendet pritet të bëhen në mars të vitit 2026.
Ndërkohë, Brukseli vazhdon të vlerësojë planet e shteteve të mbetura anëtare të BE-së për t’u përfshirë në valët e ardhshme të financimit.
