Sulmi ukrainas në një kazermë në Makiivka, në Donjetskun e pushtuar nga Moska, shkaktoi natën e Vitit të Ri një masakër ndër ushtarëve rusë.
Më shumë se 400 viktima deklaroi Kievi, ndërkohë që Moska nuk mundi të censurojë faktin, por pranoi një numër me të ulët, 89, mjaftueshëm për të tronditur gjithsesi edhe opinionin publik më të afërt me Putin.
Nga ajo ditë, Liderët e ushtrisë ruse, gjithmonë e më të frustruar nga humbje të mëdha dhe fitore të pakta, kërkojnë një reprezalje që të balancojë atë që u cilësua si masakra e Vitit të Ri. Por ky mundim sjell edhe rezultate që më shumë tregojnë dëshpërimin e Kremlinit, sesa një fuqi ushtarake.\
Fotografitë e gazetarëve ndërkombëtarë përgënjeshtrojnë lajmin rus për 600 ushtarë ukrainas të vrarë në Kramatorsk
Sot zëdhënësi i ministrisë së Mbrojtjes, gjenerali Igor Konashenkov, deklaroi se gjatë një sulmi në qytetin e Kramatorsk, raketat ruse kishin goditur disa baza ukrainase duke shkaktua rreth 600 viktima.
Por pas disa minutash, ishte Kievi që reagonte duke e cilësuar lajmin si një budallallëk”. Përtej propagandës nga të dy palët, kësaj radhe lajmi u përgënjeshtrua nga gazetarët e shumtë ndërkombëtarë që tashmë ndodhen në afërsi të fushëbetejave të ndryshme ukrainase.
Reporterët e luftës së CNN por edhe të gazetave të ndryshme si italiania La Repubblica kanë dëshmuar që me të vërtetë dy raketa kanë synuar disa godina ku flenë ushtarë të Kievit, por njeri ka arritur të dëmtojë një pemë, dhe tjetra, thjesht ka krisur disa xhama. Asnjë aktivitet, asnjë ambulance, asnjë ngarkesë në morgun e qytetit.
Rusia ka rinisur sulmet raketore në Ukrainë pas armëpushimit që presidenti Vladimir Putin vendosi për Krishtlindjen ortodokse. Sulmet erdhën pasi SHBA njoftoi se do t’i dërgonte Ukrainës 3.75 miliardë dollarë të tjera armë dhe ndihma të tjera, duke përfshirë një ngarkesë të parë të automjeteve të blinduara.
