Kreu i PD-së Lulzim Basha ka mbledhur sot Këshillin Kombëtar të PD, ku pritet të merren disa vendime të rëndësishme për drejtuesit e forumeve.
Gazetari Osman Stafa raportoi për “BalkanWeb” se është mbyllur ndërkohë procesi i votimit për propozimet e bëra nga kryetari i Partisë Demokratike, Lulzim Basha për sekretarin e përgjithshëm dhe nënkryetarë të PD.
“Anëtarët kanë votuar propozimet që ka bërë Basha, duke nisur nga sekretari i përgjithshëm, nënkryetarët etj. Te kjo fletë votimi, këshilltarët dhe anëtarët kanë votuar me po ose jo, propozimet e bëra.
Do ketë një komunikim zyrtar nga PD në lidhje me rezultatet e votimit. Ajo çka do marrë më shumë kohë do jetë zgjedhja e 15 emrave për Kryesinë”, tha Stafa.
Zyrtarisht është bërë e ditur se ish nënkryetari i PD-së, Enkelejd Alibeaj, i cili e drejtoi këtë forcë politike për më shumë se një vit pasi Basha dha dorëheqjen, do të votëbesohet në Këshillin Kombëtar si sekretar i përgjithshëm në vend të Gazment Bardhit. Ndërsa katër nënkryetarët do të jenë Roland Bejko, Flutura Açka, Kreshnik Collaku dhe Oriola Pampuri.
PROPOZIMET
Xhemal Bushati – Kryetar i Këshillit Kombëtar
Enkelejd Alibeaj- Sekretar i Përgjithshëm
Nënkryetarë të PD Flutura Açka
Kreshnik Çollaku
Orjola Pampuri
Roland Bejko
Jemin Gjana- Kryetar i komisionit zgjedhor
DEPUTETËT E PRANISHËM
1. Enkelejd Alibeaj
2. Arbi Agalliu
3. Andia Ulliri
4. Flutura Acka
5. Oriola Pampuri
6. Kreshnik Collaku
7. Merita Bekiu
8. Eralda Tase
9. Selaudin Jakupllari
