Elvis Hoxha, këshilltari i kryeministrit, Albin Kurti, ka reaguar sërish ndaj emisarit të SHBA-së për dialogun Kosovë-Serbi, Gabriel Escobar.
Hoxha ka thënë se Escobari nuk po flet me partner alternativ, por për qeverinë e ardhshme në Kosovë.
‘’Escobari të paktën është zhvilluar në shprehjet e tij. Ai nuk flet më për partner alternativ, por për qeverinë e ardhshme. Këtu duhet të kuptojmë se për çfarë e ka fjalën: A po flet për një qeveri të re në Serbi? A po flet për një qeveri të re në ShBA?
A po flet për një qeveri të re në Kosovë? Mirë do të ishte të mendonte për ndryshimin progresist të qeverisë në Beograd. Qeveria në Prishtinë merret me punët e veta. Sa për pohimin e tij të trishtuar se Kurti dhe Bislimi po i flasin vetëm për Serbinë, këtu përsëri na duhet të kuptojmë.
Mos vallë Escobari ka ardhur në Prishtinë për diskutimin e temave të tjera dhe nuk e kemi kuptuar? Ndoshta për ngrohjen globale. Ndoshta…’’, ka shkruar ai.
