Liga më argëtuese në botë, Liga Premier është e mbushur plot me talentë të jashtëzakonshëm dhe konsiderohet kryesisht si kampionati më i fortë i futbollit në botë.
Askund tjetër nuk do të gjeni lojtarë aq mbresëlënës si James Maddison dhe Youri Tielemans që luftojnë për të shmangur rënien nga kategoria, ndërsa kjo ndodh te çdo skuadër në elitë.
Megjithatë, grupi i futbollistëve që janë vërtet të klasit botëror në Angli, është një grup shumë i vogël, por prestigjioz. Sipas GiveMeSport, janë vetëm 15 lojtarë në këtë nivel.
Nuk është befasi se të 15 yjet luajnë në gjashtë ekipet e mëdha të Ligës Premier, me të gjashtë klubet e përfaqësuara të paktën me nga një lojtarë.
Pa zgjatur më tej, këta janë 15 futbollistët e klasit botëror që aktualisht luajnë në kampionatin më të fortë në botë.
Manchester City
Ruben Dias, Rodri, Kevin De Bruyne, Erling Haaland
Manchester City gjatë dekadës së fundit ka skuadër dominuese, ku sezonin e fundit e përfundoi duke fituar tre trofe kaluar. Nuk është sekret që skuadra e Pep Guardiolës ka talentin më të madh në kampionat.
Emra si Ruben Dias, Rodri dhe Kevin De Bruyne janë lojtarët më të mirë në ekip, duke mos harruar edhe Erling Haaland që shpërtheu në sezonin e tij të parë.
Liverpool
Alisson, Trent Alexander-Arnold, Mohamed Salah
Pavarësisht vështirësive të tyre sezonin e kaluar, Liverpool ka ende tre talentë të klasit botëror në skuadrën e tyre. Alisson, Trent Alexander-Arnold dhe Mohamed Salah janë në këtë listë.
Jurgen Klopp me këta emra dhe disa të tjerë të afruar, do të jetë arrë e fortë për çdo rival këtë sezon.
Arsenali
Declan Rice, Bukayo Saka, Martin Odegaard
Pas sfidës së tyre mbresëlënëse për titull sezonin e kaluar, nuk mund të mohohet se Bukayo Saka dhe Martin Odegaard janë talentë të klasit botëror.
Klubi i Arsenalit tani kanë shtuar edhe një lojtar tjetër në atë nivel, me Declan Rice që iu bashkua këtë verë. Mikel Arteta do të tentojë sërish që të luftojë për titullin e Ligës Premier me këta lojtarë në skuadër.
Manchester United
Casemiro, Bruno Fernandes, Marcus Rashford
Sezoni i parë i Erik ten Hag në krye të Manchester United bëri që Djajtë e Kuq te rikthehen në Ligën e Kampionëve.
Ata kanë tre lojtarë të klasit botëror në skuadër. Bëhet fjalë për Casemiro, Marcus Rashford dhe Bruno Fernandes. Ky i fundit ka qenë lider në sezonin që sapo lamë pas, duke e tërhequr skuadrën drejt sukseseve.
Chelsea
Reece James
Reece James qëndron i vetëm nga Chelsea në këtë listë, pas një sezoni zhgënjyes të skuadrës nga Stamford Bridge.
Thjesht nuk ka lojtar si anglezi te Chelsea aktualisht, sidomos pas ndryshimeve të mëdha që ndodhën. Mbrojtësi i djathtë shishet si prej më të mirëve në botë në pozitën e tij.
Tottenham Hotspur
Heung-min Son
Me karrierën e Harry Kane në Tottenham Hotspur do të mbyllet, ndërsa në këtë skuadër lojtari i vetëm i klasit botëror mbetet Son Heung-min.
Lojtari nga Koreja e Jugut ka qenë një nga sulmuesit më të mirë në të gjithë botën për gati një dekadë tani, dhe pas një fillimi të ngadaltë ai u kthye në fund.
Ai ka shënuar së paku 14 gola në secilin nga shtatë sezonet e fundit, me 145 gola dhe 80 asistime në total për Spurs.
