Ambasadorja e Shteteve të Bashkuara të Amerikës në Tiranë, Yuri Kim takoi sot ministren e Drejtësisë, Etilda Gjonaj.
Ambasadorja Kim përmes një njoftimi bëri të ditur se e kishte falenderuar në përfundim të mandatit të saj të jashtëzakonshëm si Ministre e Drejtësisë.
“Unë u takova me ministren e Drejtësisë, Etilda Gjonaj për ta falënderuar, ndërsa përfundon mandatin e saj të jashtëzakonshëm si ministre e Drejtësisë, personi me jetëgjatësinë më të madhe dhe gruaja e parë në këtë pozicion kyç. Ne vërejmë veçanërisht udhëheqjen e saj për Reformën në Drejtësi, e cila me kontributin e saj ka filluar të japë rezultate”, shprehet Kim.
Ambasadorja më tej tha se SHBA do të vazhdojë të mbështesë fuqishëm zbatimin e Reformës në Drejtësi në Shqipëri.
“Shpresojmë që të gjithë drejtuesit dhe institucionet e drejtësisë do të vazhdojnë të ecin përpara për të dhënë më shumë rezultate që i shërbejnë popullit të Shqipërisë, plotësojnë standardin e Bashkimit Evropian dhe afrojnë Shqipërisë më tepër me SHBA-të”, tha Kim.
