Kina do të nisë së shpejti pagesat në valutën e re dixhitale shtetërore në katër qytete të mëdha, njoftonin mediat vendase.
Zhvillimi vjen pasi banka qendrore e Kinës ka përshkallëzuar simulimet dhe zhvillimin e valutës së re elektronike e-RMB, që është e para e operuar nga një ekonomi madhore botërore.
Testimet e saj kanë nisur në qytetet Shenzhen, Suzhou, Chengdu, si dhe në zonën e re të Pekinit, Xiong’an.
Mediat vendase thonin se valuta është integruar në sistemet monetare të qyteteve dhe një pjesë e punonjësve të adminsitratës tashmë do të marrin rrogën e tyre në këtë formë që prej këtij muaji.
Agjencia Sina News tha se valuta do të përdoret për transportin në Suzhou, ndërsa në Xiong’an testimet janë fokusuar në ushqimin dhe shitjet me pakicë.
Të tjera raportime thonë se korporata si McDonald e Starbucks kanë pranuar të bëhen pjesë e testimeve.
Platformat e pagesave dixhitale janë të shpërndara gjerësisht në Kinë, si Alipay, dhe WeChat Pay, por ato nuk zëvendësojnë valutën aktuale vendase.
Profesori i universitetit të Pekin, Xu Yuan, tha:
“Megjithse nuk ka shumë ndryshim nga këndvështrimi i paguesit, për nga forma e mbikqyrjes së bankës qendrore, kjo është diccka e madhe për të ardhmen e pagesave, biznesit dhe qeverisjes shoqërore”.
