Kina ka reaguar pas rrëzimit të balonës spiune nga SHBA, duke shprehur pakënaqësinë e saj të fortë dhe proteston fuqishëm kundër rrëzimit të saj. Kjo lexohet në një deklaratë të Ministrisë së Jashtme Kineze, sipas së cilës pala amerikane këmbënguli “për të përdorur forcën, duke reaguar dukshëm dhe duke shkelur rëndë praktikën ndërkombëtare, pavarësisht se nuk kishte rrezik”.
Kina “do të mbrojë me vendosmëri të drejtat dhe interesat legjitime të kompanive, duke rezervuar të drejtën për të kryer reagime të mëtejshme të nevojshme”.
Kina “ka informuar në mënyrë të përsëritur palën amerikane, pasi ka bërë kontrollet e nevojshme, se balona ajrore është për përdorim civil dhe se ka hyrë në hapësirën ajrore të SHBA për shkak të forcës madhore, krejtësisht aksidentale”, vijon shënimi.
Në të njëjtën kohë, Pekini “i kërkoi qartë Shteteve të Bashkuara që ta trajtonin çështjen siç duhet në një mënyrë të qetë, profesionale dhe të matur. Një zëdhënës i Departamentit të Mbrojtjes së SHBA tha gjithashtu se balona nuk përbënte kërcënim ushtarak për personelin tokësor.”
