Qeveria kineze ka nxjerrë një listë të re të kafshëve që mund të kultivohen për mish në vazhdën e epidemisë së koronavirusit, e cila dyshohet se ka origjinën nga kafshë të egra në një nga tregjet në Wuhan.
Pekini ndaloi përkohësisht të gjithë tregtinë e kafshëve të egra për ushqim pas shpërthimit të Covid-19, nga i cili deri më janë infektuar më shumë se 1.6 milion njerëz në botë, por ligji i ri nuk ka përfunduar ende.
Ministria e Bujqësisë e Kinës lëshoi një listë të kafshëve që konsiderohen të përshtatshme për t’u konsumuar, duke përfshirë prodhime ushqimore të tilla si derrat, lopët, pulat dhe delet, si dhe “kafshwt speciale” të tilla si një numër speciesh drerësh, alpaka dhe strucat.
Dy lloje të dhelprash, rakunët dhe minks-at mund të mbahen si kafshë, por jo për përdorimin e mishit të tyre.
Nuk përmenden në listë speciet e kafshëve, për të cilat shkencëtarët dyshojnë se kanë transmetuar virusin te njerëzit, siç janë pangolinat, lakuriqët dhe macet.
Qentë gjithashtu mungojnë nga lista e kafshëve, e cila, nëse zbatohet zyrtarisht, do të çonte në ndalimin e për të parën heë të Kinës në gjithë vendin për konsumimin e tyre e kësisoj në një fitore për aktivistët e të drejtave të kafshëve.
“Me përparimin e civilizimit njerëzor dhe shqetësimin e publikut dhe preferencën e publikut për mbrojtjen e kafshëve, qentë kanë evoluar nga kafshët tradicionale tek kafshët shoqëruese”, thuhet në një shpjegim shoqërues të draftit. “Ata në përgjithësi nuk konsiderohen më si kafshë në pjesën tjetër të botës. Nuk këshillohet që ato të renditen nën kafshë ose shpendë në Kinë.”
Në një deklaratë të enjten, Humane Society International tha që drafti i propozimit mund të jetë një “ndryshim loje” për mbrojtjen e kafshëve në Kinë.
“Ne duhet të presim rezultatin e fazës së konsultimit, por ky draft hap mundësinë që Kina të heqë përfundimisht nga menyja qentë dhe macet” tha zëdhënësi Wendy Higgins.
