Komisioni Kombëtar i Shëndetësisë së Kinës (NCH) njoftoi se gjatë 24 orëve të fundit nuk është regjistruar asnjë viktimë e re.
Më tej thuhet se në të njëjtën periudhë kohore janë raportuar 46 raste të reja, 34 prej të cilave janë importuar nga jashtë vendit, ndërsa 12 raste janë regjistruar brenda vendit.
Numri i pacientëve të shtruar në spitalet e Kinës është rritur në 898, prej të cilëve 46 ndodhen në gjendje kritike.
Mëngjesin e sotëm janë shëruar 76 pacientë, ndërsa numri i rasteve të importuara është rritur në 1 534.
Sipas informatave të fundit, në Kinë janë konfirmuar gjithsej 82 341 raste me koronavirus, 3 342 viktima dhe 77 892 të shëruar.