Një rrugë rezidenciale e shkatërruar në Ukrainë do të emërohet pas kryeministrit britanik “Boris Johnson”, thonë raportet.
Sipas medieve të huaja, përcjell Telegrafi, zyrtarët e përshëndetën kryeministrin britanik si një “kundërshtar parimor” të regjimit të Putinit pasi ai vizitoi presidentin Zelensky në Kiev dhe i premtoi se do t’i dërgonte një arsenal armësh.
Rruga në fjalë ndodhet në Fontanka, në periferi të Odesa-s, ku ushtria ukrainase po i reziston luftëtarëve rusë.
Këshilli i Fontanka-s bëri të ditur se ata kishin “heronj të rinj” derisa lëshuan urdhrin për riemërtuar Rrugën Mayakovsky si “Rruga Boris Johnson”.
“Kryeministri i Mbretërisë së Bashkuar është një nga kundërshtarët më parimor të pushtimit rus, një lider në sanksionet ndaj Rusisë dhe mbështetjen e mbrojtjes për Ukrainën”, thuhet në njoftim.
Një vështrim i shpejtë në Google Maps shpalos se “Rruga Boris Johnson”, duket se ka nevojë urgjente për vëmendje.
Korsia me një binar është plot me gropa.
