Qeveria e Serbisë po vonohet për shkak të Ternocit. Ende nuk dihet data e përsëritjes së zgjedhjeve pasi “Koalicioni i shqiptarëve të Luginës” ka paralajmëruar ankesë në Gjykatën Kushtetuese.
Kjo do të thotë se nuk mund të ketë qeveri të re deri në vjeshtë dhe kjo i konvenon udhëheqësve se shmangin presionet për sanksione, shkruan “Blic.
Parlamenti republikan sipas rrethanave të krijuara nuk mund të konstituohet para verës, pasi për herë të dytë KRZ i Serbisë vendosi përsëritjen e zgjedhjeve në Ternoc të Bujanovcit, data ende nuk dihet pasi “koalicioni i shqiptarëve të Luginës” ka paralajmëruar ankesë në Gjykatën kushtetuese, kjo shtyn edhe formimin e qeverisë për në vjeshtë.
As 40 ditë pas votimeve nuk dihen rezultatet përfundimtare të zgjedhjeve parlamentare, pasi pas shumë vërejtjeve e ankesave dhe përsëritjes së tyre në disa vend-votime, pengesa e fundit e krijimit të përbërjes së re të Kuvendit është votimi në Ternoc në komunën e Bujanocit, që sipas të gjitha gjasave do përsëriten prapë.
Sipas KRZ zgjedhjet në Ternoc të datës 28 prill duhet të anulohen dhe të përsëriten sepse, KRZ miratoi ankesën e paraqitur nga SPS-JS-të gjelbrit drejtuar komisionit zgjedhor komunal për përsëritje të zgjedhjeve sepse Ekrem Fejzullahu ka votuar pa dokumente personale.
Kur do përcaktohet data e përsëritjes nuk dihet akoma, pasi “koalicioni i shqiptarëve të Luginës “ ka paralajmëruar ankesë në Gjykatën Kushtetuese.
Po pse është kaq i rëndësishëm votimi në Ternocin e Madh? Sepse subjekti që parashtroi ankesën SPS-JS- të gjelbrit ka humbur një mandat në Kuvend, ndërsa ish-deputeti Shaip Kamberi bartës i listës së “koalicionit të shqiptarëve të Luginës” ka fituar votat dhe ka kaluar pragun për deputet.
Kjo shtyn procedurat dhe afatit për konstituimin e Kuvendit , pasi parashihet se zgjedhjet në Ternoc mund të përsëriten në fund të majit dhe kjo shtyn përsëri afatet për rezultatet zgjedhore, Kuvend e edhe qeveri të re.
KRZ është e obliguar që 10 pas kumtimit të rezultateve përfundimtare të ndaj mandatet e fituara listave fituese. Seanca e parë e Kuvendit duhet të mbahet më së largu 30 ditë pas kumtimit të rezultateve, ndërsa qeveria të formohet 90 ditë pas konstituimit të Kuvendit.
Kjo do të thotë se sipas të gjitha gjasave formimi i qeverisë të shtyhet për në vjeshtë dhe zyrtarëve të Serbisë nuk ju ngutet dhe do respektojnë afatin e fundit për formimin e qeverisë.
Qeveria teknike aktuale kështu shmang kërkesat e perëndimit për bashkëngjitje të Serbisë në sanksionet ndaj Rusisë, duke shpresuar se lufta në Ukrainë mund të përfundoj para formimit të qeverisë së re dhe do ketë kushte më të pakta për vendime.
