Trajneri i Werder Bremenit, Florian Kohfeldt ka thënë se nuk do të ketë më arsyetim për Milot Rashicën.
Ai pret nga Rashica të kthehet në formën e muajve më parë.
“Ai i ka tani 70 minuta më shumë në këmbët e tij. Nuk do të ketë më justifikim për formën fizike, si për atë ashtu edhe për të gjithë. Unë jam optimist se Miloti do të bëjë paraqitje të mira sërish. Ne e dimë që ai ka cilësi dhe herët a vonë ai do t’i tregoj vlerat e tij sërish në Bundesligë”, ka thënë Kohfeldt pas ndeshjes miqësore që Werderi e zhvilloi ndaj St. Paulit.
Rashica këtë edicion ka zhvilluar vetëm tri ndeshje në Bundesligë. Sulmuesi i përfaqësueses së Kosovës është larg formës që kishte edicionin e kaluar.
