Milan padyshim po hyn në një epokë të re. Kompania amerikane RedBird, e cila zotëron edhe TFC-në, sapo ka zyrtarizuar blerjen e klubit lombard. Një operacion që kushton 1.2 miliardë euro.
“RedBird Capital Partners (“RedBird”) njofton sot se ka përfunduar me sukses blerjen e Associazione Calcio Milan (“AC Milan”, “Milan”) për 1.2 miliardë euro. Si pronar i ri i AC Milan, RedBird do të vazhdojë të investojë në të gjitha fushat kryesore që do të avancojnë interesat sportive dhe komerciale të klubit, duke u mbështetur në arritjet e sezonit të kaluar që kanë rezultuar në pushtimin e kampionatit të Serisë A. Përvoja e RedBird në operimin dhe ndërtimin e bizneseve sportive globale do të sigurojë që kapitulli tjetër në historinë e AC Milan,” lexohet në njoftimin për shtyp.
