Disa nga yjet më të njohur në botë kanë ndihmuar për të mbledhur afro 128 milion dollarë për Organizatën Botërore të Shëndetit gjatë pandemisë së koronavirusit duke performuar në një koncert të transmetuar globalisht.
Dhjetëra të famshëm dhe muzikantë, duke përfshirë Lady Gaga, Stevie Wonder dhe Rolling Stones, morën pjesë në shfaqjen 8-orëshe të quajtur “One World: TogetherAtHome”.
Global Citizen, një grup ndërkombëtar avokimi që organizoi ngjarjen, tha të dielën në Tëitter se janë premtuar për t`u dhuruar 127.9 milion dollarë.
Pas transmetimit të drejtpërdrejtë, Global Citizen ka shkruar në Tëitter: “127.9 milion dollarë për lehtësim COVID-19. Kjo është fuqia dhe ndikimi i Një Bote: #TogetherAtHome.”
Lady Gaga u përgjigj në këtë tëeet, duke thënë: “Jam shumë e nderuar që kam qenë pjesë e këtij projekti”.
Të ardhurat do t’i jepen Fondit të Reagimit të Solidaritetit Covid-19 të OBSH-së.
Koncerti u nda në dy pjesë, një “para-shfaqje” 6-orëshe dhe një shfaqje kryesore 2-orëshe e drejtuar nga Jimmy Fallon, Jimmy Kimmel dhe Stephen Colbert.
“Për të gjithë punonjësit tanë të kujdesit shëndetësor, ne jemi me ju. Faleminderit që keni qenë atje për ne,” ishte mesazhi përmbledhës në ekran i lexuar në fillim të shfaqjes.
Solidaritet në pandemi
Ata që performuan transmetuan mesazhet e tyre, ndërsa Lady Gaga shprehu falënderimet e saj për punonjësit e shëndetësisë, të cilët “po vënë jetën e tyre në rrezik për ne tani”.
Muzikantë të tjerë folën gjithashtu për nevojën e solidaritetit gjatë pandemisë.
Para se të performonte “Lean on Me” në nderim të mikut të tij të ndjerë Bill Ëithers, Stevie Wonder tha: “Gjatë vështirësive si kjo, ne duhet të mbështetemi tek njëri-tjetri për ndihmë”.
Taylor Swift, Elton John, Paul McCartney dhe Jennifer Lopez ishin disa këngëtarët që dhanë shfaqje nga shtëpitë e tyre.
The Rolling Stones pavarësisht se ishin në katër zona të ndryshme arritën të performojnë “Nuk mund të marrësh gjithmonë atë që dëshiron”.
Shfaqja, e cila gjithashtu tregoi histori të shfaqura për punonjësit e frontit të parë, u transmetua drejtpërdrejt në platforma të ndryshme në internet dhe u transmetua të shtunën në mbrëmje në NBC, CBS dhe ABC në SHBA
Ajo do të transmetohet në Mbretërinë e Bashkuar të dielën nga 19.00 deri në orën 21.00 në BBC. (CNN)
