Departamenti Amerikan i Shtetit u ka bërë thirrje amerikanëve që jetojnë jashtë SHBA-së që të bëjnë kujdes të shtuar, teksa përmend “tensionet e rritura në vende të ndryshme në mbarë botën, potencialin për sulme terroriste, demonstrata ose veprime të dhunshme kundër qytetarëve amerikanë”.
Alarmi vjen pasi protestat kanë shpërthyer në të gjithë Lindjen e Mesme si përgjigje ndaj luftës mes Izraelit dhe Hamasit.
Departamenti i Shtetit ka ngritur në nivelin alarmin mbi udhëtimet për Libanin dhe Izraelin, ndërsa ka autorizuar personelin të qeverisë amerikane dhe anëtarët e tyre të familjes që të largohen.
Departamenti i Shtetit lëshoi për herë të fundit këtë lloj alarmi në gusht 2022 pas vrasjes së liderit të al-Kaedës, Ajman al-Zauahiri (o. Ayman al-Zawahiri), duke paralajmëruar se “përkrahësit e al-Kaidës, ose organizatat terroriste të lidhura me të, mund të kërkojnë të sulmojnë objektet e SHBA-së, personelit ose qytetarëve.”
