Aeroporti i Dubait, aeroporti ndërkombëtar më i ngarkuar në botë, deklaron se ka pezulluar operacionet pasi një objekt u kap nga mbrojtja ajrore në zonë.
“Për sigurinë e pasagjerëve, stafit të aeroportit dhe ekuipazheve të linjave ajrore, operacionet në Aeroportin Ndërkombëtar të Dubait (DXB) janë pezulluar përkohësisht. Të gjitha procedurat po menaxhohen në përputhje me protokollet e përcaktuara të sigurisë”, tha zyra e medias e qeverisë së Dubait.
Autoritetet nuk dhanë asnjë arsye zyrtare për pezullimin, i cili ndodhi pasi pasagjerët u strehuan në tunele kur dëgjuan një shpërthim të fortë.
