Kapitoli është sulmuar më parë me bomba, aty ka ndodhur një atentat ndaj një presidenti amerikan dhe para tij janë mbajtur qindra protesta në historinë më shumë se dyshekullore. Por, të mërkurën, për herë të parë, aty ndodhi një protestë e mbështetësve të një presidenti në detyrë.
Godina është relativisht e hapur për publikun. Aty ndodhen dy degët e legjislativit amerikan, Dhoma e Përfaqësuesve dhe ajo e Senatit, por gjithkush mund të futet brenda pasi kalon sigurinë në pikën e vizitorëve. Me një plan modest, një grup protestuesish mund të ndërpresin një seancë, edhe pse zakonisht nxirren shpejt jashtë nga policia e Kapitolit.
Por, mësymja e godinës nga protestues pas përleshjes me forcat e sigurisë nuk ndodhte që prej vitit 1814. Në atë kohë, ishin trupat britanike që i vunë flakën godinës pas sulmit në Uashington DC, gjatë asaj që njihet si Lufta e vitit 1812. Godina asokohe ishte në ndërtim e sipër dhe falë materialeve që po përdoreshin arriti të ruajë formën.
Përgjatë 200 viteve pasardhëse, ka pasur edhe sulme të tjera.
Gjatë një varrimi në janar 1835, një bojaxhi i papunë, Richard Lawerence, u përpoq të qëllonte presidentin, Andrew Jackson, por pistoleta nuk funksionoi.
Gjatë Luftës Botërore, një profesor i quajtur Eric Muenter, vendosi një bombë në dhomën e pritjes së Senatit, e cila shpërtheu gjatë natës, pa shkaktuar viktima. Ai kishte vrarë gruan e tij, vite më parë, dhe më vonë u arrestua pasi donte të vriste bankierin JP Morgan.
Në vitin 1954, katër separatistë portorikanë u futën në Dhomën e Përfaqësuesve dhe qëlluan ndaj kongresmenëve, duke plagosur pesë prej tyre.
Në mars të vitit 1971, një grup i ekstremit të majtë “Weather Underground”, bombardoi Kapitolin në shenjë proteste për veprimet ushtarake amerikane në Laos, duke shkaktuar qindra mijëra dollarë dëme, por pa vrarë askënd.
Në nëntor 1983, një bombë u vendos në shenjë proteste ndaj impenjimit të ushtrisë amerikane në Grenada dhe Liban. Bomba shpërtheu, por nuk pati vikti./A2CNN/
