Takimi i nivelit më të lartë të Partisë Komuniste në pushtet të Kinës këtë javë ka të ngjarë të përfshijë ndryshime kushtetuese për të çimentuar më tej pushtetin e udhëheqësit të vendit, Xi Jinping.
Xi pritet të rifitojë pozicionin e tij si lider i CCP dhe komisionit të tij ushtarak në konferencën njëjavore, duke parapërgatitur terrenin për vazhdimin e udhëheqjes vitin e ardhshëm, pas heqjes së kufijve të mandatit më 2018.
Kongresi i 20-të i partisë do të fillojë të dielën në mëngjes me një fjalim të madh nga Xi, duke mbështetur arritjet e partisë gjatë mandatit të kaluar pesë-vjeçar dhe duke përshkruar planet e tij për të ardhmen.
Amendamentet pritet gjerësisht të përfshijnë “dy themelet”, një term politik partiak për doktrinat e reja që çimentojnë Xi-në si “bërthamë” të CCP dhe idetë e tij si ideologjinë mbështetëse të partisë.
CCP ka thënë në mënyrë të përsëritur se do të përdorë forcën për të marrë Tajvanin nëse është e nevojshme, së fundmi në një letër të bardhë të lëshuar muajin e kaluar, raporton Guardian.
