Kryetari i Kuvendit të Kosovës, Glauk Konjufca, ka pritur në takim ish presidentin e Kroacisë, Stipe Mesiq.
Në takim, Konjufca e ka falënderuar Mesiq për përkrahjen e fuqishme që i ka dhënë pavarësisë së Kosovës.
“Kroacia dhe ju keni dhënë një kontribut të çmueshëm për Kosovën. Ne me Republikën e Shqipërisë jemi vëllezër, kemi marrëdhënie vëllazërore, por kemi fat që kemi miq si ju. Kosovën konsiderojeni si shtëpinë tuaj”, tha Konjufca.
Gjithashtu, Mesiq ka falënderuar Konjufcën për pritjen që i bëri.
Mesiq shërbeu si president i Kroacisë nga viti 2000 deri më 2010. Gjithashtu, ishte një nga figurat më të zëshme në Ballkan pro pavarësisë së Kosovës.
