Ish deputeti i Lëvizjes Vetëvendosje, Glauk Konjufca ka deklaruar se kandidatja e LDK-së për kryeministre të Kosovës, Vjosa Osmani, është e ndërtuar për kryetare të Parlamentit.
“Vjosa Osmani është e ndërtuar për kryetare të Parlamentit. Absolutisht pozita e kryetarit të Parlamentit nuk është aspak më i padenjët se pozita e kryeministrit”, ka theksuar Konjufca në RTV Dukagjini.
“Më së miri është me ia dit secili hallin vetës. Në analizat tona, do të mundohemi me gjejmë njeriun më të përgatitur për pozitën e kryeministrit të Kosovës”, ka shtuar Konjufca.
Po ashtu ai ka thënë se prioritete të qeverisë së ardhshme duhet të jenë lufta kundër krimit të organizuar dhe korrupsionit, si dhe gjyqësori, e që siç tha ai janë pritjet më të mëdha nga qytetarët.
LDK dhe LVV nuk po mund të arrijnë një koalicion parazgjedhor pasi të dy palët kërkojnë pozitën e kryeministrit. LDK ka nominuar Vjosa Osmanin, kurse LVV kërkon që ky post t’i takojë Albin Kurtit.
