Stive Childs po shpresonte të udhëtonte në Alicante për të vizituar babanë e tij, por shpërthimi i koronavirusit i shkatërroi planet e tij.
43-vjeçari nga Wolverhampton ishte i predispozuar të ndiqte këshillat për të mos fluturuar, pasi Ryanair anuloi fluturimin e tij, në vazhdën e kufizimeve të udhëtimeve në botë.
Childs mori një email që konfirmonte anulimin, dhe ndoqi hapat si një e drejtë legale. Më vonë ai mori një mesazh tjetër, duke mos konfirmuar rimbursimin e tij, por përkundrazi i dhënë atij një kupon me të njëjtën vlerë për ta përdorur në një fluturim të ardhshëm të Ryanair.
“Unë po prisja rimbursimin për disa javë. Kur e dini se do të merrni para, ju bëni plane për ta,” tha ai.
‘Në radhë’
Childs e kupton se gjendja e linjave ajrore është e rrezikshme gjatë kësaj krize të paparashikuar. Kompanitë ajrore po përballen me vështirësinë e rrjedhjes së parave nëse paguajnë menjëherë të gjithë, por mënyra e trajtimit të tij e la atë të “frustruar”. “Ata më kthyen përgjigje duke shkruar se kjo mund të zgjaste disa muaj” tha ai.
Nëse ai do të kërkonte sërish rimbursim, Ryanair i tha atij, se ai duhet të riaplikonte, dhe kërkesa do të vendosej në “në pritje” “derisa të kalojë urgjenca e Covid-19” – që sugjeron një afat të papërcaktuar.
Uebfaqja e konsumatorit Moneysavingexpert ka bërë një ankesë zyrtare pranë Autoritetit të Aviacionit Civil dhe Standardeve të Tregtimit në lidhje me politikën e dukshme të Ryanair.
Një zëdhënës i Ryanair tha se: “Për çdo fluturim të anuluar, Ryanair po u jep klientëve të gjitha opsionet e përcaktuara në rregulloret e BE-së, përfshirë këtu edhe rimbursimet. Koha e procesit për kthime të parave po zgjat më shumë për faktin se ne kemi nevojë të përpunojmë 10 herë vëllimin e zakonshëm dhe kemi më pak staf në dispozicion për shkak të masave distancuese sociale. Ai shtoi se kuponat dhe regjistrimet ishin më të shpejta, pasi proceset ishin të automatizuara”.
Sipas ligjit të BE-së, kompanitë e udhëtimit duhet të rimbursojnë klientët brenda 14 ditëve nëse fluturimi tyre është anuluar. Rregulloret e Fluturimeve të Anuluara të BE-së deklarojnë se pasagjerët ajrorë duhet të rimbursohen brenda periudhës 7-ditore nëse anulohet një fluturim me një kompani ajrore me qendër në Mbretërinë e Bashkuar ose BE, ose nga një aeroport në Mbretërinë e Bashkuar ose BE. (BBC)
