Nga dje deri sot, numri i personave të infektuar me Covid 19 në të gjithë botën është rritur me 100 mijë njerëz. Statistikat e sotme tregojnë se numri i përgjithshëm është 1.7 milion. 100,000 njerëz kanë vdekur dhe gati 400,000 janë shëruar nga infeksioni i rrezikshëm. Më shumë se 70 mijë njerëz kanë vdekur në Evropë.
Më shumë se 18 mijë njerëz kanë vdekur në Shtetet e Bashkuara. Sa i përket njoftimeve të disa vendeve, përfshirë Italinë, Slloveninë dhe Austrinë, se ato do të lehtësojnë masat e karantinës pas festave të Pashkëve, Organizata Botërore e Shëndetit paralajmëroi që është shumë herët për këtë.
“Lehtësimi i shpejtë i kufizimeve mund të çojë në kthimin vdekjeprurës të virusit korona. Rruga tatëpjetë mund të jetë po aq e rrezikshme sa rruga përpjetë nëse nuk menaxhohet siç duhet”-tha Tedros Adhanom Gebrejesus, OBSH
Numri i të vdekurve në Spanjë ka arritur në mbi 16000, por për të tretën ditë me radhë bie. Ka pasur 510 raste të vdekjes të paraqitura në 24 orët e fundit. Ulja e numrit është shenjë inkurajuese për vendin që është i treti sipas viktimave nga virusi korona pas SHBA-ve dhe Italisë.
Në mesin e fqinjëve tanë, në Shqipëri, nga gjithsej 433 të infektuar me Covid-19, 16 janë fëmijë. Sipas Zëvendës Ministres së Shëndetësisë Mira Rakacoli, ato janë në gjendje të mirë.
Në Kosovë në 24 orët e fundit kanë regjistruar edhe 23 raste të reja me çka numri i përgjithshëm i të infektuarve ka shkuar në 250. Shtatë kanë vdekur, ndërsa 52 janë shëruar.
