Njerëzit në Angli që nuk mund të punojnë nga shtëpia, inkurajohen të kthehen në vendet e tyre të punës, pasi qeveria filloi të lehtësojë disa masa bllokimi.
Sekretari i Transportit Grant Shapps u bëri thirrje njerëzve që të shmangin transportin publik nëse është e mundur për të mundësuar distancimin shoqëror.
“Kjo është një situatë jete dhe vdekjeje,” shtoi ai.
Sipas rregullave të reja, njerëzit gjithashtu mund të kalojnë më shumë kohë jashtë, të takohen me një mik në park dhe të lëvizin në shtëpi, ndërsa mund të rihapen edhe qendrat kopshtare.
Sportet që janë me distancë fizike – siç është golfi – tani janë të lejuar.
E gjithë situate pasohet nga fjalimi i kryeminsitrit Johnson të dielën e kaluar, në të cilin ai theksoi një “plan të kushtëzuar” që synon rihapjen e shoqërisë, shumica e cila ka qenë e mbyllur për shtatë javë.
Kjo ka çuar në një divergjencë në rregullat e bllokimit midis qeverisë së Mbretërisë së Bashkuar dhe administratave – me Skocinë, Uellsin dhe Irlandën Veriore duke mbajtur masa më të rrepta në vend dhe të diktojnë mesazhin për të qëndruar në shtëpi.
Kjo, po ashtu, vjen ndërsa shifrat nga Zyra e Statistikave Kombëtare treguan se ekonomia e Mbretërisë së Bashkuar u tkurr me ritmin më të shpejtë që nga kriza financiare në tremujorin e parë të vitit 2020.
Në Angli, punëdhënësve u janë dhënë udhëzime për mbajtjen sa më të sigurt të vendeve të punës, përfshirë pastrimin e shpeshtë.Dhe ata që kundërshtojnë rregullat mund të përballen me procedime penale, paralajmëroi Mbikëqyrësi Ekzekutiv i Shëndetit dhe Sigurisë.
Frances O’Grady, sekretarja e përgjithshme e Kongresit të Union Trades, tha se udhëzimet e reja për punëdhënësit ishin “një hap në drejtimin e duhur”, por “testi i vërtetë do të jetë në fund”.
Ajo tha se punëdhënësit duhet të publikojnë një vlerësim të rrezikut dhe nëse punëtorët do të kenë ndonjë shqetësim ata mund të kontaktojnë Linjën Ekzekutive të Shëndetit dhe Sigurisë.
“Është me të vërtetë e rëndësishme të mbani mend se punëtorët kanë këtë të drejtë ligji të mos punojnë nëse kjo do t’i vinte ata në rrezik të menjëhershëm,” i tha ajo për BBC Breakfast (BBC)
