Britanikët që do të hanë jashtë do të marrin ushqime me zbritje, blerësit e shtëpive do të paguajnë më pak detyrime taksash dhe kompanitë do të marrin shpërblime për mbajtjen e punëtorëve – këto janë planet e kancelarit për të ngritur ekonominë në Mbretërinë e Bashkuar.
Në përditësimin e tij të planit ekonomik të verës para deputetëve të parlamentit, Rishi Sunak paralajmëroi se Mbretëria e Bashkuar po përballet me “sfida të thella ekonomike” si rezultat i krizës së koronavirusit.
Por, ai u zotua të kthejë rikuperimin kombëtar të Mbretërisë së Bashkuar në “miliona histori të përtëritjes personale”, ndërsa zbuloi para deputetëve një paketë masash prej 30 miliardë pound.
Kjo përfshin:
- një bonus prej 1,000 pound për secilin punëtor që kompanitë do të punësojnë deri në janarin e vitit të ardhshëm;
- një “skemë e fillimit” për të paguar direkt firmat për të krijuar punë për personat 16 deri 24 vjeç;
- para të gatshme për bizneset për të marrë praktikantë dhe fillestarët;
- një ulje e përkohshme prej tetë muajsh për detyrimet, pa asnjë tarifë për transaksionet e pasurive nën 500,000 pound;
- një ulje e TVSH-së në ushqim, akomodim nga 20% në 5% deri më 12 janar;
- një zbritje deri në 10% për person për “Eat Out to Help Out” për t’i rikthyer britanikët në restorante, kafene dhe bare;
Pasi njoftoi atë që ai e quajti një “plan për punët”, Sunak u tha deputetëve: “Ne nuk do të përcaktohemi nga kjo krizë, por nga përgjigja jonë për të.
“Është një zgjedhje e paqartë për ta bërë këtë moment kuptimplotë për vendin tonë në një mënyrë që tejkalon zhgënjimin dhe humbjen e muajve të fundit.
“Është një plan për ta kthyer shërimin tonë kombëtar në miliona histori të përtëritjes personale.”/Sky News
