Përballë përhapjes së rasteve me koronavirusin e ri në Itali, Komisioni Evropian nuk dëshiron të rivendosë menjëherë kontrollet kufitare brenda BE-së, vendim i cili mbetet për t’u marrë nga shtetet anëtare, njoftoi sot institucioni.
Megjithatë, sipas KE-së, çdo vendim i tillë duhet t’u përgjigjet kushteve të rrepta.
“Tani për tani rekomandimi ynë për vendet anëtare nuk përfshin vendosjen e kontrolleve në kufijtë e brendshëm”, tha zëdhënësi i KE-së, Adalbert Jahnz, në një konferencë ditore për shtyp.
“Kodi Shengen në kufij lejon rikthimin e përkohshëm të kontrolleve, por çdo vendim duhet të merret në kushte të caktuara”, paralajmëroi nga ana e tij evrokomisioneri për Menaxhimin e Krizave, Janez Lenarcic.
Sipas Komisionit Evropian, ende asnjë vend nuk e ka njoftuar Komisionin për marrjen e një vendimi të tillë për shkak të COVID-19./ATSH/
