Sipas studimit të tregut, më shumë se 520,000 shitje shtëpish në Mbretërinë e Bashkuar do të ndalohen këtë vit, pasi qeveria urdhëroi muajin e kaluar një ngrirje të përkohshme në tregun e pasurive të paluajtshme për shkak të shpërthimit të koronavirusit.
Konsulenca e pasurive Knight Frank tha që rënia prej 38% e numrit të shitjeve të shtëpive në vitin 2020 do të ketë një efekt të gjatë në industrinë e pronave të paluajtshme, duke goditur agjencitë imobiliare, kompanitë e zhvendosjeve dhe madje edhe arkën e qeverisë.
Duke marrë në konsideratë se rregullat e distancimit shoqëror do të qëndrojnë gjatë muajit maj, dhe do hiqen gradualisht në qershor, rënia e tregut të pasurive në Angli dhe Uells do të rezultojë në 350,000 më pak miratime hipoteke, përfshirë edhe 150,000 më pak hipoteka për blerësit për herë të parë, shtoi Knight Frank.
Pronarët e shtëpive pritet gjithashtu të shpenzojnë 7.9 miliardë dollarë më pak për DIY dhe rinovime këtë vit, ndërsa kompanitë e zhvendosjes do të humbasin rreth 395 milion. Ndërkohë, Thesari pritet të humbasë rreth 1.6 miliardë paund në TVSH, në krye të humbjeve të konsiderueshme në të ardhurat e taksave personale dhe të biznesit.
Tom Bill, kreu i studimit për residencat e banimit në Knight Frank, tha: “Lëvizja e shtëpive ka një efekt të shumëdimensional për ekonominë. Bizneset me madhësi të ndryshme në të gjitha fushat e ekonomisë i ndiejnë këto përfitime, për këtë arsye qeveria duhet t`i marrë parasysh kur të hartojë planin e saj të stimulimit pas mbylljes. (The Guardian)
