Së shpejti miliona punonjës do të marrin pagën e muajit prill, por shumë prej tyre do të marrin më pak se normalisht, për shkak të realitetit të ndryshëm ekonomik prej koronavirusit.
Kompanive në vështirësi si dhe punonjësve të vetëpunësuar u është ofruar ndihmë financiare nga qeveria, për të ndihmuar mbajtjen e biznesit dhe paguar stafin gjatë shpërthimit të koronavirusit.
A do të paguhet rroga ime?
Nëse punoni në sektorin privat dhe paguani taksën përmes sistemit të pagesës së fitimit (PAYE), punëdhënësi juaj mund t`ju vë juve në leje – në thelb, të pushoni përkohësisht – duke aplikuar për një grant qeveritar për të paguar 80% të pagës suaj bruto deri në një kufi prej 2.500 paund në muaj.
Në ditën e parë të skemës së lejës, aplikuan rreth 185,000 firma, duke prekur 1.3 milion punëtorë dhe duke i kushtuar Thesarit 1.5 miliardë paund.
Për këtë kanë të drejtë punonjësit me kohë të plotë dhe me kohë të pjesshme, po ashtu edhe ata që janë me kontrata agjencie.
Paga mesatare e një punonjësi është rreth 585 paund në javë, rreth 2.340 £ në muaj.
Shpresohet që grantet, të disponueshme përmes të Ardhurave dhe Doganave (HMRC) do të jenë të gatshme deri fund të prillit. Përfshihen pagesat e marsit dhe skema do të zgjasë të paktën katër muaj.
Një punëdhënës mund të vendosë të paguajë stafin me pagë të plotë ose 80% e pagës që mund të kërkojë nga qeveria. Zyra për Statistika Kombëtare (ONS) tha që 80% e bizneseve janë të interesuara për këtë skemë.
Çfarë ndodh nëse jam i vetëpunësuar?
Nëse jeni i vetëpunësuar dhe keni humbje të të ardhurave, mund të merrni një grant të tatueshëm prej 80% të fitimeve tuaja mesatare mujore gjatë tre viteve të fundit – deri në një kapital prej 2.500 në muaj.
Fillimisht, kjo do të jetë pagesë për tre muaj dhe e disponueshme në muajin qershor.
Ju mund të hyni në Skemën e Mbështetjes së të Ardhurave të Vetë-punësimit të koronavirusit (SEISS) për aq kohë sa keni punuar në vitin e kaluar financiar, jeni akoma duke bërë e bërë tani dhe planifikoni të vazhdoni ta bëni këtë.
Shumica e të ardhurave tuaja duhet të vijnë nga vetëpunësimi dhe fitimi juaj mesatar duhet të ketë qenë më pak se 50,000 paund në vit.
Nëse jeni bërë i vetëpunësuar që nga Prilli 2019, nuk do të merrni asnjë ndihmë sipas kësaj skeme. Kjo për shkak se ju nuk keni paraqitur ende një deklaratë tatimore, e cila është e nevojshme për të ndihmuar në llogaritjen e mbështetjes financiare.
HMRC do të kontaktojë ata që kanë të drejtë.
Po sikur skema e përkrahjes së të vetëpunësuarit mund të mos më mbulojë?
Ju duhet të përpiqeni të kërkoni përfitime – të tilla si ndihë sociale dhe / ose ndihma e punësimit dhe mbështetja e bazuar në kontribute (ESA).
Në buxhetin e tij të fundit, Kancelari Rishi Sunak tha që pretenduesit mund të aplikonin menjëherë për ESA, në vend që të prisnin një javë. Janë hequr kriteret minimale të të ardhurave për njerëzit e vetëpunësuar – për të parë sesa njerëzit mund të fitonin brenda një muaji për të llogaritur nivelin e ndihmës sociale (Universal Credit).
Njerëzit e vetëpunësuar që nuk janë të mbuluar nga SEISS tani mund të hyjnë plotësisht në këtë skemë, për të marrë një pagesë të barabartë me pagën ligjore të të sëmurëve (SSP).
Njerëzit të aplikojnë nëpërmjet komunikimit telefonik ose online, në vend që të shkojnë në qendrat e punës.
Përkohësisht janë rritur mundësitë dhe nivelet e përfitimeve.
Çfarë ndodh nëse punoj në sektorin publik?
Ju duhet të vazhdoni të punoni dhe pagat tuaja do të paguhen normalisht edhe nëse jeni duke punuar nga shtëpia ose ju është thënë që të punoni përkohësisht në një vend tjetër.
Çfarë ndodh nëse punoj nga shtëpia?
Nëqoftë se ju mund të punoni nga shtëpia, duhet ta bëni. Orari i punës duhet të përcaktohet qartë.
Punëdhënësit e kanë ende për detyrë të kujdesen dhe janë përgjegjës për çdo pajisje që ju japin. Shërbimi Këshillimor, i Pajtimit dhe Arbitrazhit kanë përcaktuar udhëzime të qarta.
Çfarë ndodh nëse më duhet të kujdesem për fëmijët e mi ose të një të afërmi të sëmurë?
Nëse jeni punonjës, në raste urgjente, punëdhënësi juaj duhet t’ju japë kohën e pushimit. Por, ju mund edhe të mos paguheni – kjo varet nga kushtet e kontratës suaj të punës.
Sidoqoftë, gjatë kësaj periudhe shumë drejtues po i lejojnë punonjësit – prindër të punojnë në mënyrë fleksibile, që të mund të përpiqen të menaxhojnë punën dhe kujdesin e fëmijëve. (BBC)
