Deputeti i Partisë Demokratike, Saimir Korreshi u shpreh sot se, në vitin 2022 fermerët i janë kthyer parmendës.
Korreshi duke sjellë pjesë të një kronike të kanalit gjerman Euronews mbi bujqësinë shqiptare, theksoi se, “propaganda e paguar me taksat tona, shkrumbohet përballë realitetit të hidhur”.
“Fermerët e dinë vetë se çfarë heqin, e nisin punën pa gdhirë dhe shkojnë në shtëpi me natë, me pasigurinë e tregut që mungon, me subvencionet më të ulëta në rajon, me korrupsionin që fondet i çon te miqtë e qeverisë”, u shpreh ai.
“Fermerët e dinë sa të braktisur janë dhe cili është vizioni i Ramës për bujqësinë”, theksoi ai.
“Për të patur një Shqipëri më të mirë, ku në kanal përfundojnë politikanët e korruptuar, jo produktet e fermerëve, që në vitin 2022 i janë kthyer parmendës”, tha ai.
