Pas dy medaljeve të fituara në konkurrencën e femrave, Kosova tani ka fituar edhe dy medalje në konkurrencën e meshkujve.
Që në ditën e parë në “Grand Prix Croatia 2022”, Kosova është duke shënuar suksese.
Artiol Shaqiri fitoi medaljen e argjendtë, kurse Ensar Zejnullahu të bronztën.
Shaqiri medaljen e fitoi në kategorinë deri në 70 kilogramë, kurse Zejnullahu në kategorinë deri në 63 kilogramë.
Ky turne në Kroaci ka filluar sot dhe do të përfundojë më 20 mars.
