Nënkryetari i LSI-së, Petrit Vasili ka komentuar përmes një postimi në rrjetet sociale ndihmën që po i jep Kosova Shqipërisë për shuarjen e zjarreve në Kukës.
“Ne çdo hall vëllezërit nga Kosova na gjenden dhe janë me ne edhe sot ne këto dite te vështira te zjarreve këtu janë me forca e me mjete. Ndërsa Edi Rama dhe rilindja vetëm halle mbi halle i hapin Kosovës!”, Shkruan Vasili.
Më tej nënkryetari i LSI shprehet se ndihma që po i jep Kosova Shqipërisë nuk do të përmendet nga kryeministri Edi Rama, por do të falenderojë Serbinë që solli Bregoviçin për koncert në Shqipëri.
“Mos u çuditni hiç qe pas ca kohesh ndihma vëllazërore e Kosoves per zjarret nuk do përmendet fare nga Edi Rama, por do falenderoje Serbinë, qe na solli Bregoviçin ne kohen e zjarreve!”, mbyll postimin Vasili.
