Ministria e Drejtësisë në Kosovë e ka dërguar në gjykatë Komunën e Budvës në Mal të Zi dhe kompaninë ‘Sunraf Beach Properties” duke kërkuar kthimin e rreth 4 mijë e 500 metrave katror tokë në shëtitoren Rafailoviç, ku ishte dikur një vendpushim për fëmijë.
Në këtë padi thuhet se ky vendpushim me emrin “Ganimete Tërbeshi” ishte blerë 6 dekada më parë.
Padia për të drejtën pronësore në cilën thuhet se Vjesti në Mal të Zi, e ka parë është paraqitur në Gjykatën Themelore të Kotorrit.
Ministria sipas Vjesti ka kërkuar nga Gjykata e Kotorrit të lëshojë një masë të përkohshme që ndalon hedhjen dhe tjetërsimin e tokës në shkumë nga deti deri në përfundimin e kësaj lëndë në gjykatë.
Në këtë parcel është duke u ndërtuar një kompleks shumëkatësh.
Padia thotë se Kosova është pronare e kësaj toke dhe si provë i ka bashkangjitur një marrëveshje të blerjes të lidhur më 22 mars 1961 në Gjykatën e Qarkut në Kotorr, ku parcelën prej 4 mijë e 555 metra katrorë e kishte blerë Këshilli Social për Çështjet Politike dhe Sociale, të ish provincës autonome Socialiste Autonome.
Por komuna e Budvës e ka kundërshtuar këtë padi duke kërkuar hedhjen e kësaj padie nga gjykata.
Sipas Vjesti, qeveria e Kosovës po kërkon kthimin e 172 pronave në ish Republikat e Jugosllavisë, në nga të cilat të paktën 42 prej tyre gjenden në Mal të Zi.
Njëra prej tyre është edhe kërkesa që është bërë përmes AKP-së për kthimin e rreth 33 mijë metrave katror tokë në Gjirin e Kamenovës.
