Ambasadori i Britanisë në Beograd, Edward Ferguson e ka cilësuar situatën në veri të Kosovës si tejet serioze.
Ndonëse shpreson për një progres pozitiv, Ferguson thotë se deri më tani është parë vetëm tension në dialogun Kosovë-Serbi.
Po ashtu shton se Britania ka përqendruar vëmendjen e saj tek ngjarjet në Kosovë dhe jo vetëm. Gjithashtu është e fokusuar edhe në Bosnje e Hercegovinë, gjithashtu shton se Serbia ka përgjegjësi të madhe për të punuar për paqen dhe për sigurinë.
“Si ekonomia më e madhe në rajon, ajo ka më shumë për të humbur në rast të destabilitetit dhe konfliktit
Gjithashtu ai shtoi: Është një situatë shumë tensionuese. Vetëm disa muaj më parë, në mars, presidenti Vuçiç dhe kryeministri Kurti arritën një marrëveshje për normalizimin e marrëdhënieve ndërmjet Beogradit dhe Prishtinës. Ne e mbështetëm plotësisht procesin e negociatave nën kujdesin e BE-së dhe SHBA-së. Të gjithë kemi shpresuar që deri më tani të shohim disa hapa konkretë, pozitivë përpara që do të ndihmonin në uljen e tensioneve ndërmjet Serbisë dhe Kosovës, në vend të kësaj, ne kemi parë tensione në rritje, të cilat kanë çuar në lëndime serioze të pjesëtarëve të njësive të KFOR-it, të cilët të gjithë pajtohen se po veprojnë me drejtësi dhe mënyrë të drejtë. Kjo është krejtësisht e papranueshme. Ata që janë përgjegjës për këtë duhet të mbajnë përgjegjësi, dhe qeveritë në Beograd dhe Prishtinë duhet të punojnë më shumë për të qetësuar situatën. Natyrisht, nuk ka përgjigje të lehtë, por në fund do të kërkojë zgjedhje të vështira dhe gatishmëri për kompromis. Si negociator, mendoj se është e rëndësishme të viheni në pozicionin e palës tjetër. Për popullin e Kosovës, kjo do të thotë të pranoni se Serbia ka shqetësime legjitime për sigurinë e komuniteteve serbë në veri të Kosovës dhe për mbrojtjen e trashëgimisë kulturore serbe. Për popullin e Serbisë kjo do të thotë të pranojë se Kosova është shtëpia e 1.7 milionë shqiptarëve që nuk duan të jenë pjesë e Serbisë. Me mirëkuptim vjen besimi dhe me besim mund të arrihet një kompromis”.
