Në 24 orët e fundit në Kosovë janë konfirmuar 10 viktima dhe 793 raste të reja me koronavirus.
Instituti Kombëtar i Shëndetit Publik të Kosovës përmes një postimi në Facebook ka bërë të ditur se në 24 orët e fundit janë shëruar 755 persona nga koronavirusi.
“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 4.033 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 793 raste pozitive. Brenda 24 orëve janë raportuar 10 raste të vdekjes me SARS CoV-2 pozitiv”, thuhet në postimin e IKSHPK-së.
