Prokuroria në Kosovë ka ndërmarrë masa në prag të rundit të dytë të zgjedhjeve të 9 nëntorit. Zyra e Kryeprokurorit ka caktuar rreth 80 prokurorë dhe zyrtarë të sistemit për të monitoruar dhe garantuar integritetin e procesit zgjedhor.
Në një komunikatë për media, Zyra e Kryeprokurorit theksoi se janë bërë të gjitha përgatitjet e nevojshme për të realizuar mbrojtjen e votës së lirë të qytetarëve. Kjo masë synon të parandalojë çdo tentativë për keqpërdorim apo manipulim të votave.
Prokurori i Shtetit u ka bërë thirrje qytetarëve që të raportojnë menjëherë çdo dyshim apo parregullsi që vënë re, duke kontribuar kështu në një proces transparent dhe demokratik.
