Një shtetase ruse është arrestuar në pikën kufitare të Merdares në Kosovë, pasi ka tentuar që t’i japë ryshfet një zyrtari të Policisë, që ta lejonte të hynte pa vizë.
Lajmin e ka bërë të ditur Policia e Kosovës përmes një njoftimi, ku thuhet se me vendim të prokurorit, e dyshuara është dërguar në paraburgim.
“PKK Merdarë, Podujevë 17.01.2025 – 18:10. Është arrestuar e dyshuara femër ruse shtetase e Rusisë, pasi që u kishte ofruar 50€ ryshfet zyrtarit policor që t’ia mundëson hyrjen në Republikën Kosovës pa vizë. Me vendim të prokurorit e dyshuara është dërguar në mbajtje”, thuhet në raportin e policisë, shkruan A2 CNN.
Nuk dihet ende se përse shtetasja ruse kërkonte të hynte në Kosovë pa vizë, ndërkohë që po punohet për sqarimin e situatës
