Kryeministri Dimitar Kovaçevski njofton se është arritur marrëveshje për pagën minimale prej 18.000 denarëve, përcjell Telegrafi Maqedoni.
“Këshilli ekonomiko-social ka përfunduar. Mbi 80 mijë qytetarë do të ngrihen mbi kufirin e varfërisë. Punëtorët në industri të ndryshme do të marrin së paku 18.000 denarë. Kjo do të thotë rritje e pagës neto të këtyre punëtorëve për rreth 45 euro në muaj. Paga do të fillojë të paguhet nga fillimi i muajit mars”, njoftoi Kovaçevski sot konferencën për media në qeveri.
Sipas tij, me përcaktimin e kësaj page, ne bëhemi lider në Evropë me masën e peshës së pagës minimale në pagën mesatare.
“Ne presim që kjo masë të ndikojë pozitivisht në të gjitha pagat tjera në të gjitha industritë”, tha Kovaçevski.
